قصيدة بتسمع شي ياجرحي
زما جرحي وانا دونه وأميّل
على باقي هيال ٍ وسط صدري
أجر الصوت كل ليله واسيّل
ظلام ٍ ما غشاه الليل بدري
تحت ظل الغياب بحزن أقيّل
وأنا وصلي سراب ٍ مل قدري
حزين ٍ لا ضماه الوصل خيّل
ورى بارق حياه يطيح جدري
رعيت الحب لكن صار ( عيّل )
رفعته فوق لكن طاح حدري
كثير الجرح ما يعرف قليّل
سقى روح السنين العوج سدري
أعز الخوف في جوفي وأشيّل
حنيني من ضما غلي وغدري
أبروي من عطش صمتي حليّل
حداه القيض يوم البعد يدري
بتسمع شي يا جرحي ..!! ( تخيل )
أضمك حيل وأنت تقد صدري
