لك يابحر ذنب ومواجع وتجريح "
" وبك يابحر غرقت قلوب ٍ جريحه
كم من خطاوي وقفت قدمك إتصيح "
" وكم شي في صدري ولا اقدر ابيحه
سولف ولكن خايف ارتاح وآطيح "
" وانا فؤادي ماتحمل مطيحه
خذ يابحر صمت المشاعر تباريح "
" واشعل ضما ملحك بنفس ٍ شحيحه
يوم الحقيقه ويل / جرحي غدى ريح "
" وبعض الوجيه اللي تمرك قبيحه
صديت عن ذيك الليال المشافيح "
" اللي غدت بأنفاس صدري وشيحه
وموج الخليج اللي غسل ( زمرة ) الشيح "
" كم ليلة ٍ مني تمكن فحيحه
وبعض الغلا اللي يستره هرج تلميح "
" ذنبه على جنبه اليا فاح ريحه
والخطوه اللي مالها خف ٍ إمريح "
" عّن الركايب واستمع للنصيحه
لو المحبه ( قرش ) عشنا طحاطيح "
" ولو الشعر مايل عزاه القريحه
نعيش بالواقع ولكن على مييييح "
" ضاعت مفاهيم الكلام وصحيحه
في هالزمن ( اشناب ) صارت تماسيح "
" والوجه يصلخ مثل صلخ الذبيحه
ويا بحر قلي /ويش ابا آقول وآبيح "
" لا علقت كل النفوس الطريحه
وانا عزاي اني عن الكون مآشيح "
" وجهي ولو ضاقت عليه الفسيحه
هذا الكلام ولا يبي( فصل ) تنقيح "
" أن قلت وان ماقلت بانت صريحه
ان كان في صدري مزون ومراويح "
" قلب ٍ وطيته ربه اللي يبيحه
